Şibliyê Çaçan – Cangîr Axa

Ay ay were lo bavo, lo lo bavo, lo bavoy, lo bavoy, lo bavoy,
Lo bavo dilê mi kubara sibê ye,
Lo xweyoy dilê mi kubara sibê ye,
Minê bala xwe dayê Cangîr axa, axayê êlê kekê Fedla,
De rênga Remeqeliyanî wêran da,
Kafir Hirço jî siyar e, kekê têye fenî ba ye,
De wê kupekê têye fenî ba ye,
Êlê berdê kekê Fedlayê de tu berdê,
Axayê êlê de tu berdê,
Qayîşa mawîzerê berav ke bavêje zendê,
De berî hezar hefsed mêrê Hemîdiyê hene,
Ê de xwar ke gêdûka Panosê derbas ke Ava Alîkendê,
De derbas kim Ava Alîkendê,
Ê de bira bêbextê romê ser talanê vê cemed e,
Xulam xizmetkara neşîne cerdê, ay ay ay.
Ay ay were lo bavo, lo bavoy, lo bavoy, lo bavoy, lo bavo,
Lo bavo, bejna kekê Fedla zirav e, mînanî spîndara dev geliya,
Lo xweyo, bejna mîrê mi zirav e mînanî spîndara dev geliya,
De divê bihar e belekiya xwe da berê çiya,
De bihar e belekiya xwe da berê çiya,
Cangîr axa kire gazî, gele koma pismama,
De rabin, destê xwe bidine ser tetikê eyneliyan,
Hewariya me tu car nayê,
Hewariya me maye Xwedê jor e, dîsa Şemsê lo me êzîdiya,
Ê de berdê kekê Fedla de tu berdê, axayê êlê de tu berdê,
Qayîşa mawîzerê berav ke bavêje zendê,
De berî hezar hefsed mêrê Hemîdiyê hene,
Ê de xwar ke gêdûka Panosê derbas ke Ava Alîkendê, ay ay.
Ay ay were lo bavo, lo bavoy, lo bavoy, lo bavoy, lo bavo,
Lo bavo, sibe ye dilê min î kînekîn e,
Lo xweyo, sibe ye dilê min î kînekîn e,
De divê hewarîkê kete nava romê, peya xwe peyê ra nagihîne,
Hê de peya xwe peyê ra nagihîne,
Kamil efendî kire gazî, go kuro lawo minê we ra negotibû karê wan talanê
êzîdiya nîn e,
De karê wan talanê êzîdiya nîn e,
De tu îro kubara sibê ra ser me da girtiye Cangîr Axa, mîrê zirav, Xwedê zane
lo rihistîn e,
Ê de berdê kekê Fedla de tu berdê, axayê êlê de tu berdê,
Qayîşa mawîzerê berav ke bavêje zendê,
De berî hezar hefsed mêrê Hemîdiyê hene,
Ê de xwar ke gêdûka Panosê derbas ke Ava Alîkendê, ay ay.
Ay ay were lo bavo, lo bavoy, lo bavoy, lo bavoy, lo bavo,
Lo bavo, meke xweyoy de tu meke,
De tu serê Şemsê xwe ke qasekî xwe tetika mawîzerê bi egle ke,
Hetanî koma pismama xetê çêlekê navtenga exte vekir,
Ê de xetê çêlekê navtenga ex te vekir,
De go kuro lawo exte bajon aliyê malê,
Gula barûdê fişenga lêkin,
Em ê bajon pêşiya bînbaşî romê,
De bira careke din qesta talanê êzîdiya neke,
Ê de berdê kekê Fedla de tu berdê, axayêê lê de tu berdê,
Qayîşa mawîzerê berav ke bavêje zendê,
De berî hezar hefsed mêrê Hemîdiyê hene,
Ê de xwar ke gêdûka Panosê derbas ke Ava Alîkendê, ay ay.

Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.