Dereng e
Dereng e ro razaye nîvê şevê ye
Ji binê konekê qirîna zînê têye
Zîna neh salî ji birînan xew neye
Dayîkê bangkir zînê ciwanî
Ez bi gorî te kezeba min kewan
Keçê lorî lorî lorî….

Zînê got lê dayê
Zîn bi heyranê
Qirîn şerm e dizanim
Lê birînên min ê xedarin
Agir û canê bedena min
Rebena xwedê helandin
Li min lê lê li min lê lê lê li min li min….

Li dora çadirê civiyabûn komeke jin û peyan
Mirovên serbilind stûxwar li vir diman e
Qêrîna zînê agir berdabû cîgêra wan
Nemabû xewa çavan ne şahiya dilan

Pîrekê bang kir:
Xwedê jinê li koban dike qetran
Zarokên me kirin mirî û birîndarên bomban e
Warên bav û pîran li me kirine dojeh û zindan e
Em ji welêt sirgûn bûne koçerên cîhan e

Kalekî bang kir:
hHûnê şîreta min bidine keç û xortan e
li min lo lo li min lo lo… ax li min lê li min lê lê

Hûnê şîreta min bidine keç û xortane
Bes e xapandina salan
Bila êdî fêr bibin dersan e
Biratiya bêbextan hemî pêken in û talan e
Li cîhanê kesek nabe hêvalên bindestan e
Bona xatirê zîna neh salî
Ku niha dike sekrane
Bona xatirê zer û esmerên me Kurdan e
Ku îro jî berê xwe dane çol û kerbelan e
Bila hişiyar bin de bila hişiyar bin
Têkevin rêçika serxwebûna Kurdan e
Li min lê lê li min lê lê……

Berbang e
Berbang e rojekê îlona 88an ne
Cenazê zîna çeleng radikene goran e
Şina reş xwe berdaye ser konên mihaciran e
Keçeke neh salî xwe gihandiye refên cangoran
Erê…. zînê ji bo xatirê gel û welatê xwe bûye qurban e

Dayîka zînê bangkir:
Hûn ê dawiyê bidin hêsran e
Hûn ê xwe dikin zarokên li ber şîrê dayan e
Hûn ê xwe dikin zarokên li ber şîrê dayan e
…..

Li min lê lê li min lê li min lê li mim li min….

Çavkanî: Kurdish Songs Lyrics