Nîzamettîn Arîç – Jîn û hebûn

Ez xummxuma avên çeman
Ez çerx û govend û sema
Tînim di nêv katû lema
Jînim im tevger im

Bayê sibê tê xweş ez im
Berfa sibê tê xweş ez im
Xurtî di latê xweş ez im
Hişk û ziwabin ez ter im

Giranbiha me zêr û dûr
Ez dê û bav û xuşk û kûr
Ez tim hebûn im xurt û gurr
Yaqût û la’l û gewher im

Pêş ve diçim kar û xebat
Di nav çîyan de hîm û lat
Pêlan didim Zap û Ferat
Çelq û xumîn û gurgur im

Bihişt en im agir ez im
Bakir ez im rakir ez im
Xemgînkir û şakir ez im
Her dem didim ez nakrim

Pir xurt û hêz im ez hebûn
Ez pêşveçûn û serxwebûn
Her dem di nav damar û xûn
Ez her heme qet namirim

Jîn im bihar im dar û dîn
Candar bi min her dem bi tîn
Min dane wan ev hilm û bîn
Di nêv hebûnê ciger im

Her dem heme peyda me ez
Tava rîwê xeyda me ez
Cama bi dest seyda me ez
Ez ol û vîn û bawer im

Ez ax û ba û av im ez
Ev pêtî û alav im ez
Xweş ronî û pertaw im ez
Xurtî di zendên karker im
Helbest: Cegerxwîn
Muzîk: Nizamettîn Arîç

Te jê hez kir? Tu dikarî li ser Patreonê piştgirîyê bidî Stranên Kurdî!
Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.