Huseynê Farê – Yadoyê Dimilî

Nemînim nemînim nemînim ji te re
Wele tu yê darê dîwanê belê
Komê xulam û xizmetkara cotê xanima
Qesr û qonaxê Gumguma kamil
Bêxwedî bihêlî ji kê re
Weyla waxawo şereka li me çê dibû
Li Gonîka jêrîn û jorîn
Li serta Somerê
Hafa Qizilçubuxê ma bikele ye

Na na wele min ê
Bal û dêhna xwe berdayê
Min dî ji êvara Xwedê da
Li ser serê peyayê mala Xelîl
Dîsa şer e qal û qewxe ye
Na na wele li min porkurê
Min go giran e dengê mîratê
Bêşatêşan û gawursustema
Ji êvar da ketiye Gonîka şewitî
Helfê çiyê ji pê re
Bûye law xelxele ye
Bira kula Xwedê bi sê kul be
Têkeve berê Reşîtê lawê Serhed
Sebeba şeytanê dunyayê
Derbekê bera bedena
Bavê Silhedîn gula xorta dabû
Na na wele Xwedayê min pê zane
Li erefa meydanê
Sekinî Yadoyê Dimilî
Siwarê Nîgarê kilê çavê
Têliyê tevî şahê xorta
Teyrê ecelê Sadûn e law bêselhe ye

Weyla waxawo şereka li me çê dibû
Li Gonîka jêrîn û jorîn
Wele li seksa Somerê
Hafê her du ava
Li xopana Qizilçubuxê
Me bi dar û bî ne
Minê vê sibê
Bal û dêhna xwe berdayê
Min dî qeflekî
Siwarê mala Xelîl
Wele vê sibê siwar e
Ketine hafê çiyê
Ji xwe re ge dixarînin
Law ge dilezînin
Bira kula bi sê kul be
Têkeve berê mala
Reşîtê lawê Serhed
Derbekê bera bedena
Bavê Silhedîn dabû
Wele ji êvar da
Bi du gula birîndar e
Halê wî tu nîne
Min bala xwe dayê
Li erefa meydanê sekinî
Yadoyê Dimilî siwarê delû Nîgarê
Kilê çavê Têliyê
Tevî şahê xorta
Teyrê ecelê Sadûn e law çavhêşîn e

Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.