Huseynê Farê – Mala Mamê Xelikî û Şêxdodiyan

Derê ha wey la ha weyla hayê
Wî lê Şerê hayê
digo Hêlî Xanê
Dilê min evdala Xwedê
ji dilê vê kevokê
Bira li me nebariya zîpiyê baranê
Tavî ji taviyê vê teyrokê
Le bira xwe neda
Çola Soran û Kora
Biketa Gundêcano derê Şemrexê
Seriya Dêrikê û Dêrûnê
Le milê pira Malabadê
gohê pira Bazmanê
Şewlê Muqûrê
li çola Silê Gewherê
Ji şeveqa serê sibê da
Li devê derê konê mêvana
Ji xema dilê min
evdala Xwedê ra avêtî çokê
Kula dilê min siwaro
Hê nalîna dilê min ketayê
Par nexweş bû îsal birîndaro
Ji porkura dayika min dixwasto
Navîna ji kanîka sing û bera
Belekê binê berfê
ji zozana ramûsano
Le bira kula Xwedê
bi sê kula be
Têkeve berê Mala Mamê Xelikî
Tivinga destê wî
xwe bera dabû
Bi sê çar tilî ji carî emano
Lê wez ê çi bikim vê sibê
li orta meydanê
Dil û gurçikê
bavê min û van siwara hanî xwaro
Hahî hê hê hê
hey li min siwaro

Derê ha weyla de weyla
ha de weyla hayê
Wî de Şera hayê
digo Hêlî Xanê rebenê
Dilê min evdala Xwedê
dilekî dîn e
Mi dî vê sibê
ba tê baran pê ra dilîlîne
Le mi bala xwe dayê
Li Kema Gundêcano
Girê Şemrexê birekî siwar
kesekî peya li dora hev rûniştî ne
Mi bala xwe dayê
Siwarekî qapûtê wî sor e
di nava siwara de ketî ne
Çiqas kol û milê
xulam û xizmetkara şikestî ne
Kesekî kêm nake vê sibê
li orta meydanê
Teketekê qerebîna nateqîne
Kesekî kêm nake nabedilîne
Jê ra digo Hêlî Xanê rebenê
Tu yê vê sibê rabî bilezîne
Lê darê durebînê ji min re bîne
Ez binêrim ka
ev siwarê hanê kî û kî ne
Ê lê Şera digo hê hê
Hêlî Xanê rebenê
Agir bi konê
bavê min û te de danîne
Wele siwarê ketiye çetoyê axîn e
Lê Dilşokê —Mistik ketiye
ber çardara bavê Mistê dikşîne
Hêstirê çava li ber serê
çardara bavê Mistê dirijîne

Lê minê digo bira
ne Ferha be ne Fatma be
Bira ne Çeto be lê lê
lê dayê ne Darda be
Lê hatanî Dûvê Şêxbira
Bavê Mistê digo
ez ji tewlê re li ba me
Hetanî çardara bavê Mistê
Li mezelê Şêx Xelîlê Pîlekan
ji me re xuya be
Wele hetanî kurê kura rabe
Bi her sê şêxê
zikê quva Zîla be
Bi Şêx Xelîlê Pîleka be
Bi dayika Sosina be
De na na wele mala temam
têkeve nava mêrikê Şêxdodî
Piştî kuştina Çetano
Bi sonda qesemê
tu carî sulha meriv
û mêrikê Şêxdodî çê nabe

Kula dilê min siwaro
Hey nalîna dilê min Çetano
Par nexweş bû îsal birîndaro
Ji porkura dayika xwe dixwest agir
Ava Kanîka Simo
ava belekê berfê
ji zozano ramûsano
Le bira kula Xwdê
bi sê kula be
Têkeve berê Mamê Xelikî
Tivinga destê wî dagirtî
çar terefî ji carde mano
De wez ê vê sibê
çi bikim li orta meydanê
Dil û gurçikê bavê Mistê
van siwara hanî xwaro
De hê hê hey
li min siwaro

Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.