Huseynê Farê – Fersende Begê Ku Li Îranê Qewimiye

Axawo li min li min li min li min
Heyla lo mîro şereka li me çê dibû
li hewşa Serayê
Qalekî giran li me daketiye
li kavilê Emir Tumana şewitî
Vê sibê dîsa
li semta vê kaniyê
De na na wele
min ê vê sibê
bal û dêhna xwe berdayê
Min dî ji êvara Xwedê da
Li ser kozik û meterisê
Silêmanê Ehmed
Keremê qolaxa
tevî Xalisê Ûsuv Begê
Wele xweş tê
dengê mîratê topan û mîtrelosa
Cebilxanan û gawursustema Hermaniya
Dibû gurmîn nalîn û zarîna vê boriyê

De hûn ê lê xin
de bavê bavê mino hûn ê lê xin
Rabe kekê mino hûn ê lê xin
Hûn ê destê xwe
bavêjin qayişê mîratê
gawursustema Qondaxê
modalîka çar tiliya li erdê xin
Wele hûn ê şemdana
bitefînin mûma vêxin
De na na wele
Xwedayê min pê zane
Ji berê û berê da
mehkûm firarê destê
Roma teres in
Xalisê dînê xwe ne
canfîdayê mala şêx in

Axawo li min li min li min li min
Lo lo lo mîro şereka
li me çê dibû li hewşa Serayê
Qelekî giran li me daketiye
li kavilê Emirtumana şewitî
dîsa li hember e
De na na wele wez ê vê sibê
bal û dêhna xwe didimê
Min dî ji wêvara Xwedê da
Li ser kozik û meterisê
Silêmanê Wehmed Keremê Qolaxa
tevî Xalisê Ûsuv Begê
Xweş tê dengê
mîratê topan û mitrelosa
Cebilxanan û gawursustema hermanliya
Vê sibê min yeqîn e şer e
De na na wele min dî Besnayê
Wê gavê li erefa nîvê meydanê
Bi sê denga li Fersende dikir gazî digo
Lo lo Fersende te malikxerabo
Ocaxê te korbûyo
wele wezê Besra me
qîza Eliyê Ecem
qîza heft bavê çê me
Wez ê dergûşa ser destê xwe
bikim qurbana nav û namûsê Mala Emer e
Ez ê çi bikim
Bavê Kazo sond xweriye
bi sondê temam
Hetanî serê şahê Îranê
papaxreşê qeceran jê nekim
Tu carî venagerim
mîrê min de yo yo

(TÊBINÎ: Ev kilam bi du awayan ji devê dengbêj hatiye girtinê.)

Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.