Eyşe Şan – De Rabe (Bavê Ferat)

De bira li Ezîzê min nehata sira sibê bayê diqerisî
De babê Feratê min li çiyakî Beytûlşebabê
Pêşiya tabûrekî esker da , mîna bûka ser bi xêlî direqisî
De rabe axawo de rabe
De rabe babê heft yêtîma de rabe
De rabe birîna me kûr e
Îro derdê me giran e de rabe de rabe
Ax de rabe babê feqîra de rabe
Babê Kurmanca de rabe rabe de rabe
De bira li babê Feratê min nehata
Vê sira sibê bayê di geliya
De bira lê nexista biskê van berana
Na welle sê pa têlê van nêriya
De heyfa şêra heyfa mêra dayê rebenê
Heyfa bûkê dest bi hene ser mala babê da vegeriya
Ax de rabe axawo de rabe
De rabe babê heft yêtîma de rabe
De rabe îro birîna me kûr e derdê me giran e
Babê Kurmanca de rabe
Lê dayê dêranê ez ê vê sibekê çûme sûkê
Minê ji babê Feratê xwe ra bazar kiriye
Qatek cilê zavatiyê na welle xêliya bûkê
Ax de rabe axawo de rabe
De rabe babê heft yêtîma de rabe
De rabe babê feqîra de rabe
Kula me giran e derdê me pirr e
De rabe babê heft yêtîma de rabe
Lê dayê dêranê ez Eyşan im , Eyşe Şan im
Bi derd û kulê giran im
Heyfa kekê Ezîz babê feqîra
Bi qeleşî van zaliman gula domdomê
Par ra bejn û bala vî axayî da berdane lawo
Ax de rabe babê heft yêtîma de rabe
De rabe birîna me kûr e îro derdê me giran e
De rabe babê Kurmanca de rabe
De rabe babê Kurda de rabe

*”Diyarbekir cerîda Hürriyetê, li ser Ezîz Korkmaz , ax dil şewitî keko , ez ê îro bêjim dayê rebenê .”

Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.