Brader – Xortê 50 salî

Riha te mina riha nêriyekî xezala ye

Kenna min tê.
Guliyên te bi ser milên te de SHINGALINE
Gotinên helbestan ji xwe dadiweşîne
Li ser helbesta di paşila te de xilmşkirî
Bibaweşîne
Porrê te yî dirêj,
Milkesa dîya te ku ji şurta devê çeman çêdikir tîne bîra min
Dîsa kenna min tê….
Milkesa dîya min ji,ji şurta devê çeman bû
Hate bîra min îcar girîye min tê..
Kumê ku qoqe te yî zellut vedişêre
Kumê che ye
Merxasîya bi bîra min têê….
Bejna te ya kinnik
Dilê te yî mezin
Mêjîye te yî kuur
Awirên te yî dûûr
Ka devê te lo?
Ma tu wan bêjeyên xweşik bi kijan lêvan dihûne?
Kurbana wan simbela bûmo.

Difikirim tu rebbê zilama ye
Cinnê saira ye
Şêxê helbestê

Mamosteyê gotina ye

Lê tu …

Helbestvanê KURDA ye
Gava ez li te difikirim,
Dilê min dibe DILBIRÎN
Cegera min dibe CEGERXWÎN
Mêjiyê min dibe CIZÎRÎ
Awirên min dibin TÎRÊJ
Loma giriyê min têê….
Bi halê te tê
Bi halê me tê
Giriyê min bi halê min têê…

Ew hesreta dilê te nehate cih
Û wê neyê cih,
Ger ne Husen bavê te be

Bavê Azad Bush ji li pişta te be.

Jiyana hunermendî nabe para te rebeno
Û wê herdem qirika te bi qul be u tucarî tu têr naxwe
Û rojekê nebêje elhemdullillah
Û te herdem hejar û deyndarê nemerda be
Heta tu bêje ez şair û nivîskar im
Niviskarê Kurda….
Hehehe de buxwe ha….

Nivîskarîya erebî li ber te digerîya dîno
Weka hinekan te jî dikaribû bi zimanê serdesta ji xwebre binivîsanda lo..
Ma tu yê niha wanî buya?
Ma wê niha dengê kevçî û sênîya ji helbesta te bihata
Ma wê bêhna sabûnê têketa nava helbesta te
Ma wê helbesta te ji dohne pizza û donerê bi lewitîya qirdooo?
Tu rabû rûnişt bi kurdî got u bi kurdî nivîsî
Bi kurdî kennîya
Bi kurdî girîya
Bi kurdî xeyîdî
Bi kurdî haşt bu
Û bi kurdî serxweş ket
Û hemî jiyana xwe ya di dil de veşartî rijande ser rûpela helbesta kurdî..
Û tu hinaji di wan kolanan de hespa helbeste di bezine
Siwarê pênûsa dilşikestî
Ma em ji edebiyatê û nivîsê û ji helbestê çi famdikin?
Ma em fambikin jî
Gelo em rûmeta wan dizanin?
Ma em zanibin jî em ê rûmeta te bizanibin?
Me rûmeta kijan helbestvanî,hunermendî girtîye
Ku em ya te bigrin lo?
Ev bu 50 sal ma te hîna aqil negirtibe
Ev bu pencî sal ger tu hîna li benda komkirin û li hevanîna bêjeyan be
Ev 50 sal e ger tu hîna necarê lêkirina diwarên ji gotinan be

Ev 50 sal e ku tu hîna di xewnîn xwe de qesr û qonaxan ji gotinên brîndar ava dike
Ev 50 sal e zikekî têr ûu 50 birçî be…..
ê de tu zane.

Ma tu ji Cizirî, ji Feqî, ji Herîrî, ji Tîrêj û Cegerxwîn çêtir e?
Ma hemî ne di nava tunebûne de mirin
Erê mirin
Mirin…………..
Lê piştî mirin zindî bûn
Qûn bi helaw bûn
Ahuuuuuuuuu
Helaw tune niha tune
Kînga tu jî mir
Û ger kurda adet ne guhertibin
Adeta mirîhez u zindîkuj lo
Erê

Îcar tu yê we çaxe zindî bive

Qûn bi helaw bive

Semînar

Şev

Pirtûk

Quncik

Rojname

Malper

Hemî wê di xizmeta te da bin

Rûmeta ku te 50 Salî nedîye

Helawa penci Salî wê li ser ruhe te belav bikin
Wê 50 teneke helaw
50 çewal şekir
50 sendoq biskuvit
50 helbest
50 nivîs
50 kamyon vir û derew
li ser ruhe te belav bikin
hingê ev adetên me yên zindîkuj û mirîhez heye
ma ez û tu nihaka bimirana ne çêtir bû rahme?
Brader musiki

Te jê hez kir? Tu dikarî li ser Patreonê piştgirîyê bidî Stranên Kurdî!
Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.