Beha Şêxo – Ji Mir Gotin

Ji mir gotin li Qamişlo
Dîlbera te mest û gêje
Li ser êşa vê dîlberê
Yek şîretê kes nabêje

Gotin bûke lê biçûke
Çîroka wê pir dirêje
Destê nojdar birîndare
Bin nenûka tev qirêje

Ji mir gotin li Qamişlo
Dîlbera te mest û gêje

Ji mir gotin li Amedê
Dîlbera te pir dinale
Di çavê min ji hêsra re
Şev û rojê sor peyale

Ev bû sed sal e di vê xewnê
Li pêş çava hîn xeyale

Sal buhurîn li hêviya wê
Serê îro gewr û kale

Ji mir gotin li Amedê
Dîlbera te pir dinale

Ji mir gotin li Mehabad
Dîlbera te wa bê denge
Di zindana kul û êşa
Xemla bejnê tarî renge

Heger wilo jar bimîne
Cihê wêna gora tenge

Min got bese vê nebêjin
Hîn ji mêjde şox û şenge

Ji mir gotin li Mehabad
Dîlbera te wa bê denge

Ji mir gotin li Hewlêrê
Dîlbera te perîşane
Ji ber êşa perçebûunê
Di xemlê de dil kovane

Li nav cîhan hîn ne nase
Bê sînor û bê nîşane

Min got raste lê bi ale
Xwedî tac û perlemane

Ji mir gotin li Hewlêrê
Dîlbera te perîşane

Ev bûn sed sal ez dinalim
Ji ber êşa çar dîlebera
Birînên wan derman bikin
Bi rondikên gulîzera

Agirê sar ezê dadim
Weku ronak û find û çira

Ta ku ew bax bixemile
Li şûnwarê kelempera

Ev bûn sed sal ez dinalim
Ji ber êşa çar dîlebera

Helbest: Ferhadê Içmo

Te jê hez kir? Tu dikarî li ser Patreonê piştgirîyê bidî Stranên Kurdî!
Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.