Armanc – Newroz

Adar e adar e ev heyv ev newroza meye
Xweş cejn û sersal e belê ev dîlana meye
Cejna gelê arî newroz li me hemûya pîroz be
Welat bihar e û şîn e newroz doza me ye
Her sal weke îro em ê newrozê pîroz kin
Bîhna gula difirîne eva cejna me ye
Li deşt û zozana rabin agirê xwe pêxin
Dilê dosta şad bikin agir bi neyar xin
Li çîya û li zinara ala xwe bilind kin
Xwedî sazin ser firaz in newroz dilê me ye
Keç û xort rabin govendê ew rûmeta me ye
Bi çepik û lîlandinê newroz li hêvya me ye
Li dor Dîcle li dor Ferat li Xabûr û Aras
Govend bigerînin herdem newroz cejna me ye
Gelê kurd û arî rabin tevgerê bilind kin
Şahî û dîlana me ye roj newroza me ye

Em sond dixwin bi peyman be bi gurzê rustem be
Bi çakûçê kawa be ev newroza me ye
Ev dîrok û destane şoreşa gelan e
Ta azadî ser firazî newroz şerê me ye
Me ev agir ji nû ve gurkir Mazlûm rê nîşan kir
Ew bûye Kawa yê hemdem newroz rîya me ye
Canê ciwan me feda kir li herderê bang kir
Em bernadin tekoşînê newroz doza me ye
Ew bûye mîlada kurda roja nû ya me ye
Bist û yekê adarê newroz cejna me ye
Stran û lîlandin çepik hemî şahiya me ye
Pîroz kirina newrozê serkeftina me ye
Were em bang li we dikin newroz serhildan e
Destpêka biharê îro newroz gula me ye
Bi hevre dengek bankin dilê dosta şa kin
Cejna me pîroz e îro newroz e newroz e

Gotin û Muzîk: Armanc

Parve Bike

Bersivekê Binivîsêne

Your email address will not be published. Required fields are marked *

This site uses Akismet to reduce spam. Learn how your comment data is processed.